மாத்து உலக்கை மாத்திப்போட்டு
மாவிடிக்கிற காலமெல்லாம்
மலையேறிப் போச்சுதுங்க
மறந்தேதான் போச்சுதுங்க!
மாவிடிக்கிற மிசினுவந்து
மளமளன்னு இடிச்சுருது!!
நெல்லுக்குத்தி அரிசிஎடுத்து
அள்ளிப்போட்டு வெறகடுப்புல
சுள்ளிபோட்டுத் தீஎரிச்சு
வெள்ளை அன்னம்
வெஞ்சனமெல்லாம்
வேகவச்ச காலம்போச்சு
காசுபணத்தப் பாக்காம
காத்து [ Gas ] அடுப்பு ஒண்ணுவந்து
காலத்தையே மாத்திப்புடுச்சு
குக்கருஒண்ணு குறுக்கவந்து
மக்களமாத்திப் போட்டுருச்சு
வழக்கம்போல பாத்திரத்த
வெளக்கறதுக்கு கரியில்லாம
சோப்புஆயிலு வந்திருச்சு
பாக்கநல்லாத்தானிருக்கு
அம்மிஅறைக்கிற காலம்போயி
அளவுக்கேத்த சின்னம்பெரிசா
அரைகிறதுக்கு மிக்சி ஒண்ணு
கும்மிஅடிக்கிற துணிக்கெல்லாம்
கும்மிப்புழியற மிசுனுவந்து
கம்மியாச்சு வேலையெல்லாம்!
பொம்மையாட்டம் ஆக்கிருச்சு
வாரத்துக்கு ஒருதடவ
வாரிப்போட்டுத் துவைக்கிறாங்க
நாறப்போட்டுத் தொலைக்கிறாங்க!
துணிய
காயப்போடக்கூட ஒரு
மாயமிசுனு வந்திருமோ?!
மாடுகன்னு வளத்தவங்க
மாவு தென்னை வளத்தவங்க
நஞ்சை புஞ்சை வளத்தவங்க
பஞ்சமின்றி வாழ்ந்தவங்க
பாடுபட்ட எடத்தயெல்லாம்
பங்குபோட்டு விக்கிறாங்க
காடுகரை எல்லாமே
மேடுபள்ளஞ் சமப்படுத்தி
மாடிமேல மாடிகட்டி
ஓடிவார தண்ணியெல்லாம்
ஒருஎடத்தில மறிச்சுப்போட்டு
போரு ஒண்ணப் போட்டுட்டாங்க!
கெணத்துல
தூருவாரித் தூருவாரி
தொவண்டுபோச்சு சனமெல்லாம்
பெருவாரித் தண்ணியெல்லாம்
போருக்குள்ள போச்சுதுங்க!
நூறுஅடிக்கி மேலதோண்டி
போருபோட்டுத் தண்ணிய
பூராவும் எடுத்ததால
பூமிஎறங்கிப் போச்சுதுங்க
பூகம்பமே வந்துருச்சுங்க
கம்பியூட்டரு ஐசுப்பொட்டி
கரண்டுச் சமான் எல்லாத்தாலயும்
[ எனக்குச்சொல்லத் தெரியலைய்ங்க ]
ஓசோனுக் குள்ளயெல்லாம்
ஓட்டையாகிப் போச்சாமுல்ல?!
ஒலக்கபுடுச்சு நெல்லுக்குத்தி
சுள்ளிவெறகு எரிச்சகையும்
துணிதொவச்சு, அறச்சகையும்
கம்பியூட்டரு பாக்குதுங்க
முதுகுவலிக்குப் பாத்திங்கன்னா
முதுகுமேல மரத்தால
நாலுசக்கரம் வச்சவண்டி
மேலுங்கீழும் ஓட்டுராங்க!
கையிவலியப் போக்குறதுக்கு
முள்ளுவச்ச உருண்டைஒண்ண
கையிலபுடிச்சு வெச்சுக்கிட்டு
மெள்ளமெள்ள உருட்டுராங்க
காத்தடுப்ப விட்டுப்பிட்டு
கரியடுப்புக்கு வரலாமே?
கம்பியூட்டரு டிவியெல்லாம் [பாக்குற]
காலம் முடிஞ்சதும் நிறுத்தலாமே?
காலத்த நாமளாவே
கணக்குப்பண்ணி மாத்தலாமே?
ஒலகத்துக்கு நம்மளால
முடிஞ்ச ஒதவி செய்யலாமே?
மண்ணுலபுரண்டு அணிப்புள்ள
கடல ரொப்ப நெனச்சதுல்ல? [ராமருக்காக]
நம்மளால முடியுமுங்க!
நல்லாநெனச்சுப் பாருங்கநீங்க!!
என்ன நாஞ்சொல்லுறது?
எல்லாருக்கும் நல்லாருக்கா?
மாவிடிக்கிற காலமெல்லாம்
மலையேறிப் போச்சுதுங்க
மறந்தேதான் போச்சுதுங்க!
மாவிடிக்கிற மிசினுவந்து
மளமளன்னு இடிச்சுருது!!
நெல்லுக்குத்தி அரிசிஎடுத்து
அள்ளிப்போட்டு வெறகடுப்புல
சுள்ளிபோட்டுத் தீஎரிச்சு
வெள்ளை அன்னம்
வெஞ்சனமெல்லாம்
வேகவச்ச காலம்போச்சு
காசுபணத்தப் பாக்காம
காத்து [ Gas ] அடுப்பு ஒண்ணுவந்து
காலத்தையே மாத்திப்புடுச்சு
குக்கருஒண்ணு குறுக்கவந்து
மக்களமாத்திப் போட்டுருச்சு
வழக்கம்போல பாத்திரத்த
வெளக்கறதுக்கு கரியில்லாம
சோப்புஆயிலு வந்திருச்சு
பாக்கநல்லாத்தானிருக்கு
அம்மிஅறைக்கிற காலம்போயி
அளவுக்கேத்த சின்னம்பெரிசா
அரைகிறதுக்கு மிக்சி ஒண்ணு
கும்மிஅடிக்கிற துணிக்கெல்லாம்
கும்மிப்புழியற மிசுனுவந்து
கம்மியாச்சு வேலையெல்லாம்!
பொம்மையாட்டம் ஆக்கிருச்சு
வாரத்துக்கு ஒருதடவ
வாரிப்போட்டுத் துவைக்கிறாங்க
நாறப்போட்டுத் தொலைக்கிறாங்க!
துணிய
காயப்போடக்கூட ஒரு
மாயமிசுனு வந்திருமோ?!
மாடுகன்னு வளத்தவங்க
மாவு தென்னை வளத்தவங்க
நஞ்சை புஞ்சை வளத்தவங்க
பஞ்சமின்றி வாழ்ந்தவங்க
பாடுபட்ட எடத்தயெல்லாம்
பங்குபோட்டு விக்கிறாங்க
காடுகரை எல்லாமே
மேடுபள்ளஞ் சமப்படுத்தி
மாடிமேல மாடிகட்டி
ஓடிவார தண்ணியெல்லாம்
ஒருஎடத்தில மறிச்சுப்போட்டு
போரு ஒண்ணப் போட்டுட்டாங்க!
கெணத்துல
தூருவாரித் தூருவாரி
தொவண்டுபோச்சு சனமெல்லாம்
பெருவாரித் தண்ணியெல்லாம்
போருக்குள்ள போச்சுதுங்க!
நூறுஅடிக்கி மேலதோண்டி
போருபோட்டுத் தண்ணிய
பூராவும் எடுத்ததால
பூமிஎறங்கிப் போச்சுதுங்க
பூகம்பமே வந்துருச்சுங்க
கம்பியூட்டரு ஐசுப்பொட்டி
கரண்டுச் சமான் எல்லாத்தாலயும்
[ எனக்குச்சொல்லத் தெரியலைய்ங்க ]
ஓசோனுக் குள்ளயெல்லாம்
ஓட்டையாகிப் போச்சாமுல்ல?!
ஒலக்கபுடுச்சு நெல்லுக்குத்தி
சுள்ளிவெறகு எரிச்சகையும்
துணிதொவச்சு, அறச்சகையும்
கம்பியூட்டரு பாக்குதுங்க
முதுகுவலிக்குப் பாத்திங்கன்னா
முதுகுமேல மரத்தால
நாலுசக்கரம் வச்சவண்டி
மேலுங்கீழும் ஓட்டுராங்க!
கையிவலியப் போக்குறதுக்கு
முள்ளுவச்ச உருண்டைஒண்ண
கையிலபுடிச்சு வெச்சுக்கிட்டு
மெள்ளமெள்ள உருட்டுராங்க
காத்தடுப்ப விட்டுப்பிட்டு
கரியடுப்புக்கு வரலாமே?
கம்பியூட்டரு டிவியெல்லாம் [பாக்குற]
காலம் முடிஞ்சதும் நிறுத்தலாமே?
காலத்த நாமளாவே
கணக்குப்பண்ணி மாத்தலாமே?
ஒலகத்துக்கு நம்மளால
முடிஞ்ச ஒதவி செய்யலாமே?
மண்ணுலபுரண்டு அணிப்புள்ள
கடல ரொப்ப நெனச்சதுல்ல? [ராமருக்காக]
நம்மளால முடியுமுங்க!
நல்லாநெனச்சுப் பாருங்கநீங்க!!
என்ன நாஞ்சொல்லுறது?
எல்லாருக்கும் நல்லாருக்கா?
1 comment:
நீங்கள் தேனம்மை அவர்களின் அம்மா என்று தெரிந்து மிக்க மகிழ்ச்சி.
நல்ல கவிதை அம்மா - காலங்கள் மாறுகின்றன - உழைப்பு குறைந்து வருகிறது - இப்போது உள்ள மக்களுக்கு உழைப்பதற்கும் உடம்பில் திறன் இல்லை - நிறைய எழுதுங்கள்.
வாழ்த்துக்கள் அம்மா.
Post a Comment