Wednesday, July 25, 2012

அக்கினி ஆத்தாள்.

கண்மாய்க் கரையிருந்து காட்சிதந்த கற்பகமே!
கண்ணிமையாய் எமைக்காக்க காரைநகர் வந்தவளே!
பேழைக்குள் இருந்துவந்த பெருந்தெய்வத் திருமகளே!
வாழையடி வாழையென வாழவைப்பாய் எம்குலமே!

Saturday, July 14, 2012

வயது சாதனை?! 4

எவரெஸ்ட்சிகரத்தில் ஏறியவர்களிலேயே மிகவும் வயதானபெண் என்ற சாதனையை படைத்துள்ளார் ஜப்பானைச்சேர்ந்த தமேய்வடானபி.இவர் சிகரத்தின் உச்சியைத்தொட்டபோது இவரது வயது எழுபத்துமூன்று!
சாதனைபுரிய நினைப்பவர்களின் உச்சக்கட்ட சாதனையே எவரெஸ்ட் சிகரம் ஏறுவதுதான்.இளமை முறுக்கோடு கிளம்பிய,இருநூற்று எண்பத்துநாலு பேர்களில்,இவர்தான் வயதானவர்.ஆனால் இவர்களில் குளிர்தாங்காமல் இறந்தவர்கள்,ஏறமுடியாமல் நின்றவர்கள்,இன்னும் கொஞ்சநேரம் இருந்தாலும் இறந்துவிடுவேன் என்று அடித்துப்பிடித்து திரும்பியவர்களெல்லாம் போக எவரெஸ்ட் சிகரம் தொட்டஎண்பத்து இரண்டு பேர்களில் இவரும் ஒருவர்!எவரெஸ்ட் சிகரம் தொட்டவயதானவர் என்ற சாதனையை தன் அறுபத்து இரண்டு வயதில் ஏற்படுத்திய தமேய்,தன்சாதனையை தானே முறியடிக்கும்வகையில் பதினொறு ஆண்டுகளுக்குப் பிறகு தற்போது கடந்தவாரம் தன் எழுபத்துமூன்றாவது வயதில் மீண்டும் எவரெஸ்ட் சிகரம் தொட்டுத் திரும்பியுள்ளார்.இடையில் தன் அறுபத்து ஐந்தாவது வயதில் ஒருமுறை எவரெஸ்ட் சிகரம் ஏறும்போது கடுமையான பனிப்புயலில் சிக்கி முதுகில் பலத்த காயமடைந்தார்.எழுந்து நடக்கவேமாட்டார் என்று எல்லோரும் கருதியபோது, தன் மனவலிமை காரணமாக துள்ளி எழுந்தவர் கடுமையான பயிற்சி எடுத்து, இந்தமுறை வீழ்ச்சியின்றி எழுச்சி பெற்றுவிட்டார்.இந்த சாதனை தனக்கு மகிழ்ச்சி என்றாலும் கடந்த பதினொரு ஆண்டுகளில் எவரெஸ்ட் மிகவு
ம் மாறிவிட்டதாக வேதனையும்படுகிறார்.முன்பு பனிபடர்ந்து அடர்ந்து இருந்த இடங்கள் எல்லாம் இப்போது நீர்நிலையாக நீண்டு காணப்படுகிறது.இது உலகம் வேகமாக வெப்பமயமாகிவருவதன்[குளோபல் வார்மிங்] அறிகுறியே. இதை தடுத்துநிறுத்திட,நிறைய விழிப்புணர்வு தேவை.அது இளைஞர்களிடம் இன்னும் தேவை.ஏனெனில்,இனி உலகம் அவர்களின் கையில்.அவர்களது உலகத்தை காப்பாற்ற அவர்கள்தான் முவரவேண்டும் என்கிறார்.நமது எண்ணமும் அதுவே.எனவே உலகம் வெப்பமயமாவதைத் தடுக்க நம்மால் முடிந்தவரை முயற்சிசெய்வோம்.அன்புடையீர் தயவுசெய்து இன்றே உறுதி எடுங்கள்..
நன்றி. தினமலர் 24-6-2012.  நல்லது.     
Related Posts Plugin for WordPress, Blogger...